monumenta.ch > Augustinus > sectio 14 > bnf6797.487 > csg211.158 > sectio 59 > ad Hebraeos, 460 > bkeCod.16.153v > bnf8907.601 > ad Romanos, 2 > sectio 123 > Ioannes, 19 > bavPal.lat.1572.11 > bkeCod.16.6v > sectio 1 > bnf15046.193 > uwbM.p.th.q.1a.15 > bnf8672.38 > csg899.34 > bnfGrec107.999 > sectio 41 > salCod.Sal.X,16.322 > bsbClm6436.46 > bkeCod.16.16v > bsbClm14439.91 > csg207.3 > csg75.778 > uwbM.p.th.q.1a.207 > bkeCod.16.111r > sectio 4 > csg899.40 > csg211.256 > sectio 13 > bnf8907.15 > csg75.704 > bnfNAL1592.168 > bkeCod.16.58v > bnf15046.187 > bkeCod.16.15r > hlw17.220 > bnf15046.175 > csg207.271 > bavPal.lat.311.320 > sectio 12 > uwbM.p.th.q.1a.304 > ad Corinthios I, 2 > sectio 15 > bkeCod.16.88v > sectio 17 > bkeCod.16.18v > Actus, 10 > csg211.401 > bavPal.lat.311.321 > bsbClm14439.80 > sectio 86

Word Selection for Searching

Report an Error in this Sectio
Hildegardis Abbatissa, Visiones, 3, 8, 86
Unde et sancta anima aequissimo iudicio eum dilectum nuncupat: quoniam per fidem dilectionis se ipsam relinquens, et in magno certamine carnalium voluptatum ad illum benevole anhelans, atque in ardore lacrymabilis desiderii se ipsam reprobans, ei adhaeret, ut mulier viro, cui cum gaudio voluntatis suae associata est. Et ideo cum in exordio conservandae castitatis ad eum incipit suspirare, ad se ipsam dicit: Volo prosternere carnalem voluptatem et me coniungere illi sub cuius dilectionis umbra qua me in ardore ardentis desiderii sui a contrario igne obumbravit sedeo. Quomodo? Dum inebriatum studium in eius amore habens, subiectum in igneum carnis amorem in consensu animae meae premo.